كۆلیژا كارگێرى و ئابوورى
لدویڤ كۆمبوونا ئهنجومهنێ وهزارهتا خواندنا بلند و ڤهكۆلینێن زانستى یا ژماره (2) ل رێكهڤتى (2/11/2014) ێ برگا (4) یا كاروبارێن زانستى و خواندنا بلند بریارا ڤهكرنا كۆلیژا كارگێرى و ئابوورى ل زانكۆیا زاخۆ بۆ سالا خواندنێ (2014ـ2015) هاتیهدان، كو ژ دوو پشكان (ئابوورى كار و زانستێن بازرگانى و بهنكى) پێكدهات. و ل سالا (2016ـ2017) ئهڤ كۆلیژه ژ سێ پشكان (زانستێن كارگێرى، زانستێن ئابوورى، زانستێن دارایى و بهنكى) پێكدهێت.
ئارمانجا كۆلیژێ بهرههڤكرنا كهسانێن پسپۆره د بوارێن زانستێن كارگێرى و ئابوورى و زانستێن دارایى و بهنكیدا و كاراكرنا رۆلێ كۆلیژێ د خزمهتكرنا جڤاكیدا برێكا كاركرنا راستهقینه دگهل رێكخراوێن كارا یێن ناڤخوهیى بۆ وهبهرهێنانێ د پرۆژهێن پێشهنگێن بچویكدا و موكومكرنا بوارێن هاریكاریێ و ههماههنگیێ دناڤبهرا كۆلیژێ و فهرمانگههێن میرى یێن دیتر.
ماوهیێ خواندنێ ل ڤێ كۆلیژێ چوار سالن، دهرچوویێن كۆلیژێ باوهرناما بهكالۆریۆس (زانست B.Sc) و بهكالۆریۆس (ئاداب B.A) وهردگرن و لدویڤ پێدڤیا ههر دوو كهرتێن گشتى و تایبهت دهرچوویێن وێ دشێن دهرفهتێن دامهزراندن و كارى بۆ خوه ببینن.
كۆلیژا كارگێرى و ئابوورى زێدهبارى دانا باوهرناما بهكالوریوسێ گرنگیهك تایبهت ددهته خواندنا بلند (ماستهر M.A) و (دكتۆرا Ph.D) و ڤهكۆلینێن زانستى و ستراتیجى و راهێنان و شیرهتكارى ل بوارێن جودا جودا ب شێوهكى گشتى.
پشكێن كۆلیژێ:
1ـ زانستێن كارگێرى
2ـ زانستێن ئابۆرى
3ـ زانستێن دارایى و بهنكى
كۆلیژا كارگێرى و ئابۆرى
دهۆك, ههرێما كوردستانێ
زاخۆ جادهيا گشتى, ئيراق