ل ژێر چاڤدێرییا ڕێڤەبەرێ سەنتەرێ پەرەپێدانا کاری (CDC)، بەڕێز (م. لاوند اکرام محمد) و سەرپەرشتیا ڕێکخەرێ سەنتەری بەرێز (م. هێمن شمس الدین علی) پڕۆگرامێ مەشق و ڕاهێنانا پارتایم (Part-time Internship) بۆ هژمارەکا قوتابیێن زانکۆیا زاخۆ هاتە ئەنجامدان، کو ب تایبەت د مەها ڕەمەزانا پیرۆز دا هاتبوو ڕێکخستن.
​ئارمانج و ناڤەڕۆکا پڕۆگرامی:

​ئەڤ پڕۆگرامە پشکەکە ژ ستراتیژیەت و مەنهەجێ سەنتەرێ CDC، کو ئارمانج ژێ ئاشناکرنا قوتابیانە ب ژینگەها کاری و بهێزکرنا شیانێن وان یێن پیشەیی. د ڤێ چارچووڤەیی دا:
• ​قوتابیان شیان د ناڤبەرا دەواما زانکۆیێ و ئەنجامدانا ١٥٠ دەمژمێرێن کارێ خۆبەخشی ل کۆمپانیێن کەرتێ تایبەت ل باژێرێ زاخۆ هەڤسەنگیێ دروست بکەن.
• ​پڕۆگرام دەرفەتەکا زێڕین بوو، بۆ بجهئینانا زانستێ تیۆری د پراکتیکا کاری دا.
• ​وەک دەستکەفتەکێ گرنگ، ژمارەیەک ژ قوتابیێن پشکدار شیان سەرنجا کۆمپانیان ڕابکێشن و دەرفەتا کارێ هەمیشەیی یان پاداشتێن دارایی یێن باش بدەستڤە بینن.
​ب مەرەما ڕێزلێنان ل زەحمەت و سەرکەفتنا قوتابیان، ڕێورەسمەکا تایبەت هات ڕێکخستن. تێدا بەڕێز (پ.هـ.د. رمضان جعفر مصطفی)، هاریکارێ سەرۆکێ زانکۆیێ بۆ کاروبارێن قوتابیان، باوەرنامەیێن پشکداریێ پێشکێشی قوتابیان کرن. بەڕێزی سەرەڕایی دەستخۆشیێ، دوپاتی ل سەر گرنگیا ڤان جۆرە پڕۆگرامان کر بۆ ئامادەکرنا نفشەکێ خودان ئەزموون بۆ بازاڕێ کاری.