​ڕۆژا سێشەمبێ، ڕێکەفتی (٢٠٢٦/٥/٥)، ب مەرەما ژ نێزیک ئاگەهداربوون ژ پرۆسەیا کارگێری و تەکنیکی یا ئەزموونان، ڕێزدار (پ.هـ.د. رمضان جعفر مصطفی)، هاریکارێ سەرۆکێ زانکۆیێ بۆ کاروبارێن قوتابیان، سەرەدانا کۆلیژا زانست کر و ژلایێ خانم (پ.هـ.د. دیار احمد بلیج)، ڕاگرا کۆلیژا ناڤبری، ب گەرمی پێشوازی لێ هاتە کرن.
​د دیدارەکێدا، هاریکارێ سەرۆکێ زانکۆیێ سەرەدانا لیژنەیا ئەزموونان کر و ژ نێزیک هایداری شێوازێ ڕێڤەچوونا کاران و ڕێکارێن کارگێری بوو. د هەمان دەمدا، گوهداری ل پێشنیار و تێبینیێن ئەندامێن لیژنێ کر ب مەرەما دەستنیشانکرنا پێدڤیاتیان و دابینکرنا هەمی ئاسانکاریان بۆ سەرکەفتنا پرۆسەیا ئەزموونان، هەروەسا سەرەدانا هۆلێن ئەزموونێن قوتابیان ژی کر و ژ نێزیک بەرێخودان ل چاوانیا بڕێڤەچوونا ئەزموونان کر.
​ل دوماهیێ، ڕێزدار (پ.هـ.د. رمضان جعفر) دەستخۆشی ل ڕاگریا کۆلیژێ و لیژنەیا ئەزموونان کر بۆ وێ ڕێکوپێکی و خەمخۆرییا د کارێن واندا دیار، و دووپاتی ل سەر پشتەڤانییا سەرۆکاتیا زانکۆیێ کر بۆ باشترکرنا کوالیتیا خزمەتگۆزاریێن زانستی و کارگێری یێن پێشکێشی قوتابیان دهێنە کرن.