ڕۆژا دووشەمبێ، ڕێککەفتی ٢٠ـی تەمۆزا ٢٠٢٦ـێ، ب ئامادەبوونا جڤاتا زانکۆیێ، بەڕێز (پ. د. دیار عبدالکریم سعید)، سەرۆکێ زانکۆیا زاخۆ، ل دیوانا سەرۆکاتییا زانکۆیێ پێشوازی ل بەڕێز (شڤان مەحموود)، سکرتێرێ (ی.ق.ل.د.ک) و شاندێ لگەل دا کر.
د ڕۆینشتنەکێ دا، هەردۆک ئالیان ب تێروتەسەلی گەنگەشە ل سەر چەندین پرس و تەوەرێن گرنگ یێن گرێدایی ڕەوشا قوتابییان، و بزاڤ و چالاکییێن وان یێن زانستی و ڕەوشەنبیری ل زانکۆیا زاخۆ کر. د هەمان دەم دا، ب گرنگیڤە بەحس ل ئامادەکارییان بۆ پێشوازیکرن ل سالا نوی یا خواندنێ هاتە کرن.
د تەوەرەکێ دی یێ دیدارێ دا، سکرتێرێ (ی.ق.ل.د.ک) تیشک ئێخستە سەر ڕۆڵ و پێگەهێ قوتابییێن ئیدارا سەربەخۆیا زاخۆ و ئاماژە ب وێ چەندێ دا کو قوتابییێن ڤێ دەڤەرێ خودان شیان و ئاستەکێ بەرزێ زانستی نە. ناڤهاتی دووپات کر کو پشتەڤانیکرن و هاندانا وان دێ بیتە پالدەرەکێ بهێز بۆ پێشخستنا کارامەیییێن وان، داکو ل پاشەڕۆژێ ببنە ئەندامێن کارا و کارتێکەر د ئاڤەدانکرن و پێشڤەبرنا وەڵاتی دا.
ژ لایێ خۆ ڤە، سەرۆکێ زانکۆیا زاخۆ سەرەڕایی دەربڕینا ڕێز و سوپاسییان بۆ بزاڤ و چالاکییێن ڕێکخراوێ، دووپاتی ل وێ چەندێ کر کو سەرۆکاتییا زانکۆیێ دێ بەردەوام یا پشتەڤان بیت بۆ هەر بزاڤ و پڕۆژەیەکێ کو خزمەتا ئاستێ زانستی، پێگەیاندن و ڕەوشا جڤاکی یا قوتابییان بکەت.