ل ڕۆژا سێشەمبی ڕێکەفتی 06.10.2026 ب ئامادەبوونا ڕێزدار (پ.هـ.د. جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند و (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان، لیژنا بۆڵۆنیا و پەرەپێدانا پروگرامان ل زانکۆیا زاخۆ کۆمبوونا خۆ یا ئاسایی ئەنجامدا و چەندین بابەتێن گرێدای ب بۆڵۆنیا و پەرەپێدانا پروگرامان هاتنە گەنگەشەکرن و بریار لسەر هاتە دان.
د تەوەرێ ئێکێ دا خالێن گرنگێن ڕێنمایێن بۆلۆنا هاتنە ڕوون کرن و بریار هاتە دان دگەل بابەتێ دیبەیتێ دا بهێتە ڕوونکرن بۆ هەمی پشکێن ب سەر زانکۆیێ ڤە، هەروەسا ڕێنمایێن بۆلۆنا بهێنە شرۆڤەکرن بۆ هەمی پشکێن زانستی یێن زانکۆیێ بۆ سەروک پشکان، مامۆستایان، و قوتابیان، هەروەسا بریار لدور بابەتێ ڤەکۆلینا زانستی یا قوناغا چارێ چاوانیا نڤیسین و چێکرنا ڤەکۆلینا زانستی هاتە دان ژ سێمستەرێ ٧ بهێتە سێمستەرێ ٦ێ.
د تەوەرێ دویێ دا بەحس ل پروگرامێ خواندنێ یێ هەر پشکەکێ هاتە کرن وەکو ژێدەرەک بۆ پێشئێخستنا زانستی ل هەمی پشکێن خواندنێ، هەروەسا هەردۆک بابەتێن هاتینە دەست نیشانکرن ژ لایێ وەزارەتێ ڤە بابەتێ پەرەپێدانا کاری و بابەتێ پەرەپێدانا کارسازی هاتە گەنگەشەکرن بۆ پراکتیکرنا هەردۆک بابەتان دناڤ پروگرامێ خواندنێ یێ پشکان دا و هاتە دیارکرن گرنگیا ڤی بابەتێ بۆ هەر پشکەکێ، و ل کیش سێمستەری بهێتە خواندن دگەل دەستنیشانکرنا ناڤێ بابەتی ب هەرسێ زمانان، کودێ بابەتان، و ژمارا ( ECT) بۆ هەر بابەتەکێ.