سەنتەرێ پەرەپێدانا کاری (CDC) ل زانکۆیا زاخۆ، خۆلەکا تایبەت و گرنگ بۆ ئەوان قوتابیێن خودان حەز و ئارمانجێن دامەزراندنا کار و پرۆژەیان، و ئارمانجا وان ئەوە د پاشەڕۆژێ دا ببنە خودان کارێن خۆ یێن سەربەخۆ، ب سەرکەفتنیانە ئەنجام دا.
ئەڤ خۆلە ل ڕێکەفتی 7-8 / 10 / 2026 ل سەرۆکاتییا زانکۆیا زاخۆ هاتە برێڤەبرن. تەکەزی ل سەر بنەمایێن سەردەمیانە یێن ڤەکرن و بڕێڤەبرنا کارەکێ نوی ب شێوازەکێ زانستی و ئەکادیمی هاتە کرن. هەروەسا ئارمانجا سەرەکی یا ڤێ چالاکییێ، بەلاڤکرنا هۆشیاریا پیشەیی و ئاڤاکرنا هزرا کارسازیێ بوو ل دەڤ قوتابیان، بۆ وێ چەندێ بشێن د بازاڕێ کاری دا ب سەرکەفتیانە پێنگاڤان باڤێژن و هزرێن خۆ بکەنە پرۆژەیێن بەرهەمدار.
پێشکێشکرن و بەخشینا باوەرنامەیان
• ڕاهێنەرا خۆلێ: ئەڤ خۆلە ب شێوەیەکێ سەرکەفتی هاتە پێشکێشکرن ژلایێ ڕاهێنەر (د. دلین ادیب میرو).
• دابەشکرنا باوەرنامەیان: د دوماهیا خۆلێ دا، باوەرنامەیێن پشکداریێ ب سەر قوتابیێن پشکداربوو دا هاتنە دابەشکرن ژلایێ (پ.هـ.د. رمضان جعفر مصطفی)، هاریکارێ سەرۆکێ زانکۆیێ بۆ کاروبارێن قوتابیان.
• ئامادەبوونا ڕێڤەبەرایەتیێ: مامۆستا (لاوند اکرام محمد)، ڕێڤەبەرێ سەنتەرێ CDC، ئامادەیی ڕێورەسمێن بەخشینا باوەرنامەیان بوو.
دەستخۆشیێ ل هەمی قوتابیێن پشکدار و ڕێکخەرێن ڤی وۆرکشۆپێ گرنگ دکەین، ب هیڤیا سەربەرزیا پتر بۆ قوتابیێن مە د پاشەڕۆژا وان یا پیشەیی دا.