زانکۆیا زاخۆ ڕێزا ئێکێ د ناڤبەرا زانکۆیێن حکومی ل عێراقێ و هەرێما کوردستانێ دا ب دەستڤە ئینا،، د دەمەکێ دا کو د ڕێزا دویێ هات ل سەر ئاستێ زانکویێن حکومی و ئەهلی یێن عێراقی یێن د ڕیزبەندا (Times Higher Education World University Rankings 2027) دا هاتینە تومارکرن.
و ئەڤ دەستکەفتە پشتی وێ چەندێ دهێت کو زانکۆیا زاخۆ د ڕێزبەندیا جیهانی دا د ناڤبەرا ١٠٠١-١٢٠٠ێ دا جهـێ خۆ گرت، و ب ڤێ چەندێ پێشکەفتنەکا گرنگ د پێگەهێ خۆ ل سەر ئاستێ نشتیمانی و ناڤنەتەوەیی پشتڕاست دکەت.
ئەڤ پێشکەفتنە ڕەنگڤەدانا پێشکەفتنا بەرچاڤە د ئاستێ ئەکادیمی و ڤەکۆلینێن زانستی یێن زانکۆیێ دا، ب تایبەتی د وارێ کۆالیتیا ڤەکۆلینێن زانستی دا، دگەل هەولێن بەردەوام بو پشتەڤانیکرنا ڤەکۆلینێن زانستی، و بلندکرنا کۆالیتیا خواندنێ، و بهێزکرنا ئامادەبوونا ئەکادیمی و ڤەکولینێ یا زانکۆیێ ل سەر ئاستێ ناڤخۆ و ناڤنەتەوەیی.
ئەڤ دەستکەفتە هەروەسا پێگەهێ گەشەسەندی یێ زانکویا زاخۆ د ناڤا دامەزراوەیێن خواندنا بلند ل عێراقێ و هەرێما کوردستانێ دا پشتڕاست دکەت، و د بیتە هاندەرەک بو بەردەوامیدان ب کارێ بەر ب دەستڤەئینانا ڕێزێن پێشکەفتی تر و بهێزکرنا ئامادەبوونا زانکۆیێ د ڕێزبەندیێن جیهانی دا.
رڕێزبەندیا جیهانی یا THE یا سالا ٢٠٢٧ێ پتر ژ ٢،٢٩٧ زانکۆیان ژ ١١٨ وەڵات و هەرێمان ب خۆ ڤە دگریت، و د نرخاندنا زانکۆیان دا پشت بەستنێ ب کومەکا پێشاندەرێن سەرەکی یێن کو فێرکرنێ، ژینگەها ڤەکۆلینێ، کوالیتیا ڤەکۆلینا زانستی، هەڤکاری دگەل کەرتێ پیشەسازی، و  ناڤنەتەوەیی دگرنە خۆ.
ئەڤ پێشکەفتنە وێستگەهەکا گرنگە د ڕێکا زانکۆیا زاخۆ دا بەر ب چەسپاندنا ئامادەبوونا وێ ل سەر ئاستێ ئەکادیمیێ جیهانی، و سەرکەفتنا ئاراستەیێن وێ یێن ستراتیژی د پێشئێخستنا ڤەکۆلینێن زانستی و کوالیتیا کارێ دامەزراوەیی دا پشتڕاست دکەت. هەروەسا ئەڤ دەستکەفتە هێزێ ددەتە ئارمانجا زانکۆیا مە بو بەردەوامبوون ل سەر پێشکەفتنێ ب بەردەوامی بەر ب جهێن پێشکەفتی تر د ڕیزبەندێن ناڤنەتەوەیی دا، و ب ڤێ چەندێ جهێ وێ دچەسپینیت وەکی ئێک ژ زانکویێن پێشکەفتی و کارتێکر ل عێراقێ و هەرێما کوردستانێ.