کۆلیژا پزیشکی

كۆلیژا پزیشكى 

لدویڤ كۆمبوونا ئه‌نجوومه‌نێ وه‌زاره‌تا خواندنا بلند و ڤه‌كۆلینێن زانستى یا ژماره‌ (1264) ل ڕێكه‌ڤتى (27/9/2017) و ب فه‌رمانا زانكۆیا مه‌ یا ژماره‌ (4/814) ل ڕێكه‌ڤتى (8/3/2019) یا كاروبارێن زانستى خواندنا بلند بریارا ڤه‌كرنا كۆلیژا پزیشكى ل زانكۆیا زاخۆ بۆ سالا خواندنێ (2018ـ2019) هاتیه‌دان. 

ئارمانجا کۆلیژێ پێگەهاندنا نۆژدارین خودان شیانە ژ بۆ پێشکێشکرنا خزمەتەکا ژ هەژی و گێرانا ڕۆلەکێ چالاک بۆ کومەلگەهێ چ برێکا نەخؤشخانێن میری یان تایبەت بیت و ژ بۆ ڤێ مەرەمێ نویترین پرۆگرامێن خواندنێ هاتینە ئامادەکرن ب شێوازێ ب هەڤرا گرێدایى (integrated system). 

ژبەر گرنگییا ڤەکۆلینێن پزیشکی و پرۆسێسا سەرەدەری و چارەسەرکرنا نەخۆشیان، ڕێکار و شێوازێن ڤەکۆلینێن زانستی بەشەكە ژ پرۆگرامێ کۆلیژا ژبۆ پێگەهاندنا نۆژدارێن ڤەکۆلەر کو دێ شێن پتر خزمەتا ساخلەمیا جڤاکی بکەن ژ خۆپاراستنێ هەتا چارەسەریێ.

ماوه‌یێ خواندنێ ل ڤێ کۆلیژێ (شەش) سالن و دەرچوویێن وێ باوەرناما بەکالۆریۆس (پزیشکی گشتی M.B.CH.B) وەردگرن و د شیاندایە دەرفەتێن کاری بۆ خوە ل کەرتێ گشتی و کەرتێ تایبەت د بواری ساخلەمیێدا ببینین.