ڕۆژا ئیكشەمبی ڕێـککــەفتی (٢٠٢٥/٥/٤) شاندەكێ زانكۆیا شرناخ ب سەرۆكاتیا سەرۆكێ زانكۆیێ ڕێزدار (Prof. Dr. Abdurrahim Alkış) سەرەدانا زانكۆیا زاخۆ كرن و ژلایێ سەرۆكێ زانكۆ زاخۆ ڕێزدار (پ.د. دیار عبدالكريم سعيد) و جڤاتا زانكۆیێ ڤە پێشوازی لێ هاتە کرن.
ئارمانج ژ ئەڤێ سەرەدانێ خورتكرنا پەیوەندیێن زانستی، کەلتووری، پەروەردە، بازرگانیا ناڤدەولەتی دناڤبەرا هەردۆک زانکۆیان دا.
هەژیە بێژین؛ ل رێكەفتییێن (٨ - ٩ / ٥ / ٢٠٢٥) سەمپۆزیۆمەک ل دۆر بازرگانیا ناڤدەولەتی دێ ل زانكۆیا شرنەخ هێتە ئەنجامدان و شەش مامۆستایێن زانكۆیا زاخۆ ژ (كۆلیژا كارگێری و ئابووری) دێ پشکداریێ تێدا کەن، هەروەسا درێژەپێدانا وێ سەمپۆزیۆمێ دێ ل زانکۆیا زاخۆ هێتە ئەنجامدان.
ئەڤ پێنگاڤا زانستی و سەرەدانە جهێ خوشحالیا هەردۆک ئالیان بوو، پاشان ب مەرەما گەشتەکێ سەرەدانا کەلها زاخۆ و بازارێ كەڤن و كورنیشێ پرا دەلال کرن و شاندێ زانكۆیا شرنەخ گەلەك كەیفخوش بوون ب پیشكەفتنا ئیدارا سەربەخویا زاخۆ ژلایێ كارگێری و كەلتووری و گەشتوگوزاریڤە.