ب شانازی و دلخۆشیڤە، زانکۆیا زاخۆ ڕادگەهینیت کو ناڤێ (شەش) مامۆستایێن پشکدار و ڤەکۆلەرێن زانکۆیا مە د خشتەیا ناڤدارا جیهانی دا (Stanford/Elsevier Top 2% Scientists List) بۆ سالا 2026 هاتینە تۆمارکرن.
ئەڤ دەستکەفتێ مەزن؛ مەزنترین بهانەیە بۆ بلند ڕاگرتنا ناڤێ زانکۆیا زاخۆ ل سەر ئاستێ ناڤدەولەتی. مامۆستایێن ناڤبری پێکدهێن ژ:
1. پ.د. هژار فرحان اسماعیل
2. پ.د. نوفل رشید حسین
3. پ.هـ.د. رمضان جعفر مصطفی
4. پ.هـ.د. کارمینا کمال علی
5. پ.هـ.د. خالد صبحی ابراهیم
6. م. سمیرە شکر محمد امین
شێواز و پیڤەرێن هەڵسەنگاندنێ: ئەڤ لیستە ل گۆرەیی هەلسەنگاندنەکا بێلایەن و زانستی ژلایێ دەزگەهێ جیهانی (Elsevier) ب هەڤکاری دگەل زانکۆیا ئەمریکی یا ناڤدار (Stanford) هاتیە دروستکرن. پرۆسەیا هەڵسەنگاندنێ لسەر بناغەیێ دەستکەفتێن زانستی و ئەکادیمی ب رێکا پیڤەرێن پێشکەفتی یێن (Bibliometric) هاتیە ئەنجامدان، کۆ داتایێن وێ ب ڕێکا داتا-بێزێن (Elsevier و Scopus) پێکڤە هاتیە گرێدان. ژ گرنگترین پیڤەرێن پێکهاتەیی بۆ ڤی هەڵسەنگاندنی:
• هژمارا ڕاوەستاندن و ژێدەران (Citations).
• فاکتەرێن کاریگەریێ و هژمارا H-index د سیستەمێ Scopus دا.
• پشکداریا چالاک و ڕێزبەندیا ڤەکۆلەران د بەرهەمێن زانستی و ڤەکۆلینێن سەربەخۆ یێن ناڤدەولەتی دا.
پیرۆزباهی: ب هەلکەفتا ئەڤی دەستکەفتێ مه‌زن و زانستی، سەرۆکاتیا زانکۆیا زاخۆ ب ناڤێ هەمی مامۆستا و فەرمانبەر و قوتابیان، جوانترین پیرۆزباهی و گەرمترین دەستخۆشیێ ل ڤان مامۆستایێن هێژا دکەت، کۆ ب هەول و ماندووبوونا خۆ یا بەردەوام ڤی سەروەریا مەزن بۆ زانکۆیا مە ئینایە مه‌یدانێ. هیڤیا سەرکەفتن و پێشڤەبرنا بەردەوام بۆ هەمی مامۆستایێن زانکۆیا زاخۆ دخوازین، داکۆ هەردەم سەرفەراز و پێشەنگ بن د ناڤەندێن زانستی یێن جیهانێ دا.