ب مەرەما بدەستڤەئینانا پێشکەفتنێن زانستی و بڕێڤەبرنا سەرکەفتیانەییا کارێن کارگێری و زانستی، ل ڕۆژا ئێکشەمبی، ڕێکەفتی (٢٠٢٦/١٠/١٨)، ب سەرۆکاتیا جەنابێ سەرۆکێ زانکۆیێ ڕێزدار (پ.د. دیار عبدالکریم سعید) و ب ئامادەبوونا ئەندامێن جڤاتێ، کۆمبوونا ئاسایی یا جڤاتا زانکۆیێ ل سەرۆکاتیا زانکۆیێ هاتە ئەنجامدان.
د دەستپێکا کۆمبوونێ دا، سەرۆکێ زانکۆیێ بخێرھاتنا ئەندامان کر و تیشک خستە سەر گرنگیا قۆناغا نها و پێدڤیا هەماهەنگیێ د ناڤبەرا پشک و کولیژێن زانکۆیێ دا. ل پاشتر، تەوەرێن سەرەکی یێن کۆمبوونێ ب شێوەیەکێ زانستی و ئەکادیمی هاتنە گەنگەشەکرن، کو ژ ڤان خالان پێکهاتبوون:
• لایەنێ زانستی و خواندنا بلند: گەنگەشە ل سەر پەرەپێدانا پلانێن ڤەکۆلینێن زانستی، چالاکیێن ئەکادیمی، و بلندکرنا کوالیتیا خواندنێ هاتە کرن.
• کاروبارێن قوتابیان و باشترکرنا ڕەوشا خواندنێ: د ڤی تەوەری دا ب هووربینی گەنگەشە ل سەر ڕەوشا دەواما ڕۆژانە یا قوتابیان، پێدڤی و داخوازیێن وان هاتە کرن. جڤاتا زانکۆیێ جەخت ل سەر دابینکرنا ژینگەهەکا گونجایا ئه‌کادیمی و ئاسانکاریان کر داکو ئاستێ خواندن و فێرکرنێ ل دەڤ قوتابیان بەرهەڤتر لێ بهێت و ئاستەنگێن ل هەمبەر پرۆسەیا خواندنا وان بهێنە چارەسەرکرن.
• کاروبارێن کارگێری: تیشک ئێخستن ل سەر چەندین بابه‌ت و پێشهاتێن کارگێری یێن پەیوەندیدار ب بڕێڤەبرنا کارێن ڕۆژانە یێن کۆلیژ و پشکێن زانکۆیێ.
• پێشنیار و تێبینیێن ئەندامان: ئەندامێن جڤاتێ تێبینی و پێشنیارێن خۆ ل بارەی تەوەرێن کۆمبوونێ پێشکێشکرن، کو رۆلەکێ بەرچاف د دەولەمەندکرنا ناڤەڕۆکا کۆمبوونێ دا گێرا.
د دوماهیا کۆمبوونێ دا، پشتی لێکگۆهارتنا بۆچوونان ل سەر چەند پرسان، چەندین بڕیار و ڕاسپاردەیێن گونجای بۆ بجهئانینا کارێن زانکۆیێ ب شێوەیەکێ سەرکەفتى هاتنە پەسەندکرن.